సప్లిమెంట్లు తీసుకోవడానికి ఉత్తమ సమయం

ఈ మధ్యకాలంలో సప్లిమెంట్స్ తప్పనిసరి అవుతున్నాయి అయితే ఈ సప్లిమెంట్స్ ఎప్పుడు 

తీసుకోవాలో తెలిసి ఉండాలి. సప్లిమెంట్స్ ని తీసుకోవాల్సిన సమయం ను బట్టి అవి మన 

శరీరంలో సోషించుకునేటువంటి అవకాశం ఉంటుంది.

1. మ్యాగ్నీషియం (Magnesium)  

👉 నిద్రకు 1 గంట ముందు

2. విటమిన్ D (Vitamin D)  

👉 అల్పాహారం (Breakfast) సమయంలో

3. కాల్షియం (Calcium)  

👉 ఉదయం మరియు రాత్రి

4. ప్రోబయోటిక్స్ (Probiotics)  

👉 ఖాళీ కడుపుతో

5. ఒమేగా-3 (Omega-3)  

👉 భోజనంతో పాటు

6. విటమిన్ B కాంప్లెక్స్ (Vitamin B Complex)  

👉 ఉదయం

7. విటమిన్ E (Vitamin E)  

👉 భోజనం తర్వాత

8. కొల్లాజెన్ (Collagen)  

👉 అవసరాన్ని బట్టి (సమయం వ్యక్తిగత అవసరాలపై ఆధారపడి ఉంటుంది)

9. ఐరన్ (Iron)  

👉 విటమిన్ C ఉన్న పదార్థాలతో (ఉదా: నారింజ రసం)

10. జింక్ (Zinc)  

👉 ఐరన్ తీసుకున్న సమయం నుంచి కనీసం 2 గంటల విరామం ఉంచాలి

---

⚠️ గమనిక: ఇవి సాధారణ సూచనలు మాత్రమే. మీ ఆరోగ్య పరిస్థితి, వయస్సు, మందులు

మరియు వైద్యుని సలహా ప్రకారం సమయాలు మారవచ్చు.

🌿 ఇలాంటి మరిన్ని విషయాల కోసం మా WHATSAPP గ్రూప్ లో జాయిన్ అవ్వండి 👇

👉 Join WhatsApp Group

---

 రోజుకు 8 గంటల నిద్ర ఎందుకు ముఖ్యం?

నిద్ర = మెదడుకు ఛార్జింగ్

ఆరోగ్యానికి రోజుకు 8 గంటల నిద్ర ఖచ్చితంగా అవసరం. వరుసగా 10 రోజుల పాటు రోజుకు 6

గంటలు మాత్రమే నిద్రపోతే, మన శారీరక, మానసిక పనితీరు (Cognitive & Physical performance) 

50% వరకు తగ్గిపోతుంది.

తక్కువ నిద్ర వల్ల వచ్చే సమస్యలు:

1. మెదడు మందగిస్తుంది: ఏకాగ్రత, జ్ఞాపకశక్తి, నిర్ణయం తీసుకునే సామర్థ్యం తగ్గుతుంది.

2. ఒత్తిడి పెరుగుతుంది: కార్టిసాల్ హార్మోన్ పెరిగి ఆందోళన, చిరాకు ఎక్కువవుతాయి.

3. రోగనిరోధక శక్తి తగ్గుతుంది: తరచుగా జలుబు, ఇన్ఫెక్షన్లు వస్తాయి.

4. బరువు పెరుగుతుంది: ఆకలి హార్మోన్లు గ్రెలిన్, లెప్టిన్ బ్యాలెన్స్ తప్పుతాయి.

5. గుండె, షుగర్ రిస్క్: డయాబెటిస్, బీపీ, గుండె జబ్బుల ముప్పు పెరుగుతుంది.

మెదడు ఒత్తిడిని ఎదుర్కోవాలంటే 4 స్తంభాలు:

శరీరం సరిగ్గా హైడ్రేట్ అయి, తగినంత నిద్ర, పోషకాహారం మరియు వ్యాయామం ఉన్నప్పుడు

మెదడు ఎలాంటి ఒత్తిడినైనా సులభంగా ఎదుర్కొంటుంది.

1. నీరు (Hydration): రోజుకు 2.5-3 లీటర్ల నీరు తాగండి. మెదడు 75% నీరే.

2. నిద్ర (Sleep): రాత్రి 10 నుండి ఉదయం 6 మధ్య 8 గంటలు నిద్రపోండి. ఇది గ్రోత్ హార్మోన్,

     

    మెమరీ కన్సాలిడేషన్‌కి బెస్ట్ టైమ్.

3. పోషకాహారం (Nutrition): బాదం, వాల్‌నట్స్, ఆకుకూరలు, గుడ్లు, చేపలు. ఇవి ఒమేగా-3, విటమిన్

    B12 ఇచ్చి నరాలను బలపరుస్తాయి.

4. వ్యాయామం (Exercise): రోజూ 30 నిమిషాల నడక లేదా యోగా. ఇది బ్రెయిన్‌కి ఆక్సిజన్, 

    

    ఎండార్ఫిన్లు అందిస్తుంది.

గుర్తుంచుకోండి: నిద్రను తగ్గించి పని చేయడం = ఫోన్‌ని 20% ఛార్జింగ్‌తో రోజంతా వాడటం

                    

                               లాంటిది.

🌿 ఇలాంటి మరిన్ని విషయాల కోసం మా WHATSAPP గ్రూప్ లో జాయిన్ అవ్వండి 👇

👉 Join WhatsApp Group

---

 నరాల బలహీనత (Neuropathy) - నిశ్శబ్ద మహమ్మారి

ఈ రోజుల్లో నరాల బలహీనత సమస్యతో ఆసుపత్రుల పాలవుతున్న వారి సంఖ్య గణనీయంగా

పెరుగుతోంది. దీనిని " ముంచుకొస్తున్న ముప్పు" అనడం కంటే, మన ఆధునిక జీవనశైలి వల్ల

ఏర్పడిన "నిశ్శబ్ద మహమ్మారి (Silent Epidemic)" గా చెప్పడం మరింత సబబు.

గతంలో వృద్ధాప్యంలో మాత్రమే కనిపించే ఈ సమస్య, ఇప్పుడు 30-40 ఏళ్ల యువతలో కూడా

విపరీతంగా కనిపిస్తోంది.

నరాల బలహీనత పెరగడానికి ప్రధాన కారణాలు:

1. మధుమేహం (Diabetic Neuropathy)  

భారతదేశంలో డయాబెటిస్ బారిన పడుతున్న వారి సంఖ్య పెరుగుతోంది. రక్తంలో చక్కెర 

స్థాయిలు అదుపులో లేకపోవడం వల్ల నరాలు దెబ్బతింటాయి. నరాల బలహీనతకు ఇది అతిపెద్ద 

కారణం.

2. విటమిన్ B12 లోపం  

మన నరాల ఆరోగ్యానికి విటమిన్ B12 చాలా కీలకం. ఈ రోజుల్లో మనం తీసుకునే ప్రాసెస్

చేయబడిన ఆహారాలు, మరియు శాకాహారుల్లో ఈ విటమిన్ లోపం చాలా ఎక్కువగా కనిపిస్తోంది.

3. కదలిక లేని జీవనశైలి (Sedentary Lifestyle)  

గంటల తరబడి కదలకుండా కంప్యూటర్ల ముందు కూర్చోవడం వల్ల వెన్నెముకపై, నరాలపై 

ఒత్తిడి పెరిగి రక్త ప్రసరణ మందగిస్తోంది.

4. విపరీతమైన ఒత్తిడి, నిద్రలేమి  

మెదడుకు, నరాలకు తగినంత విశ్రాంతి లేకపోవడం వల్ల నాడీ వ్యవస్థ (Nervous System) క్రమంగా 

బలహీనపడుతుంది.

5. పోస్ట్-కోవిడ్ ప్రభావాలు  

కరోనా తర్వాత చాలా మందిలో నాడీ సంబంధిత సమస్యలు, కండరాల నొప్పులు, మరియు 

నరాల బలహీనత తలెత్తుతున్నట్లు వైద్యులు గమనిస్తున్నారు.

ఇది ముంచుకొస్తున్న ముప్పా?

సకాలంలో గుర్తించి జాగ్రత్తపడితే ఇది ప్రాణాంతకమైన ముప్పు కాదు. కానీ, నిర్లక్ష్యం చేస్తే మాత్రం

ఖచ్చితంగా ప్రమాదమే. 

ప్రారంభంలో చేతులు, కాళ్లలో తిమ్మిర్లు, మంటలు, స్పర్శ తగ్గడం వంటి లక్షణాలతో మొదలై 

రాను రాను నడవలేకపోవడం, పక్షవాతం లేదా ఇతర అవయవాలు దెబ్బతినే స్థాయికి ఇది 

దారితీయవచ్చు.

మనం తీసుకోవాల్సిన జాగ్రత్తలు

1. పోషకాహారం  

విటమిన్ B12, మెగ్నీషియం, ఒమేగా-3 ఫ్యాటీ యాసిడ్స్ పుష్కలంగా ఉండే ఆహారాన్ని (పాలు, 

గుడ్లు, చేపలు, మొలకలు, ఆకుకూరలు) తీసుకోవాలి.

2. వ్యాయామం  

రోజూ కనీసం 30 నిమిషాలు నడవడం లేదా యోగా చేయడం వల్ల నరాలకు రక్త ప్రసరణ 

మెరుగుపడుతుంది.

3. వైద్య పరీక్షలు  

తరచుగా తిమ్మిర్లు, నొప్పులు వస్తుంటే సొంత వైద్యం చేసుకోకుండా, డాక్టర్‌ను సంప్రదించి బ్లడ్ 

షుగర్ మరియు B12 స్థాయిలను పరీక్షించుకోవాలి

🌿 ఇలాంటి మరిన్ని విషయాల కోసం మా WHATSAPP గ్రూప్ లో జాయిన్ అవ్వండి 👇

👉 Join WhatsApp Group

---

కీళ్ల నొప్పులు 

ఉదయం నిద్రలేవగానే కీళ్లు పట్టేసినట్లు అనిపించడం.. మెట్లు ఎక్కాలంటే మోకాళ్లలో కటకట

శబ్దాలు రావడం.. కింద కూర్చుని లేవాలంటే నరకం కనిపించడం.. 60 పదుల వయసులో 

చాలామందికి ఎదురయ్యే సమస్య ఇది.

ప్రపంచ ఆరోగ్య సంస్థ (WHO) లెక్కల ప్రకారం, 60 ఏళ్లు పైబడిన వారిలో 10% పురుషులు, 18% 

మహిళలు ఈ సమస్యతో బాధపడుతున్నారు. దీనినే 'ఆస్టియో ఆర్థరైటిస్' (Osteoarthritis) అంటారు. 

మనం కీళ్లవాతం అని పిలుస్తాం.

అసలు ఆస్టియో ఆర్థరైటిస్ అంటే ఏమిటి?

మన కీళ్ల వద్ద ఎముకలు రాసుకోకుండా ఉండేందుకు వాటి చివరన రబ్బరు లాంటి మెత్తటి పొర 

ఉంటుంది. దీనిని కార్టిలేజ్ (Cartilage) అంటారు. ఇది 'షాక్ అబ్జార్బర్' లా పనిచేస్తుంది.

వయసుతో ఈ కార్టిలేజ్ అరిగిపోతుంది. అప్పుడు ఎముకలు నేరుగా రాసుకోవడం వల్ల నొప్పి, వాపు 

వస్తాయి. ఇది ఎక్కువగా మోకాళ్లు, తుంటి, చేతులు, వెన్నెముకపై ప్రభావం చూపుతుంది.

ఈ సమస్య ఎందుకు వస్తుంది?

1. అధిక బరువు: బరువు ఎక్కువైతే ఆ భారం అంతా మోకాళ్లపైనే పడి అవి త్వరగా అరిగిపోతాయి.

2. పాత గాయాలు: యవ్వనంలో తగిలిన గాయాలు, ఫ్రాక్చర్లు వయసుతో కీళ్లవాతంగా మారవచ్చు.

3. వంశపారంపర్యం: కుటుంబంలో ఈ సమస్య ఉంటే మీకు వచ్చే అవకాశాలు ఎక్కువ.

4. వృత్తిపరమైన ఒత్తిడి: ఒకే కీలును పదే పదే కదిలించడం, నిలబడి చేసే పనుల వల్ల కీళ్లపై             

    ఒత్తిడి పడుతుంది.

ముందస్తు హెచ్చరికలు

- పనులు చేస్తున్నప్పుడు కీళ్లలో భరించలేని నొప్పి

- ఉదయం నిద్ర లేవగానే కీళ్లు బిగుసుకుపోయి కదలడానికి ఇబ్బంది

- కీళ్లను కదిలిస్తే లోపల కటకట మనే శబ్దాలు

- నొప్పి ఉన్న కీళ్ల చుట్టూ వాపు, కీళ్లను ఫ్రీగా కదపలేకపోవడం

ఆస్టియో ఆర్థరైటిస్‌ను సమర్థవంతంగా ఎదుర్కొనే మార్గాలివే!

కంగారు వద్దు.. ఈ చిట్కాలతో ఉపశమనమే!

1. కదలికే ఔషధం: నొప్పి ఉందని కదలకుండా ఉండొద్దు. వాకింగ్, స్విమ్మింగ్, సైక్లింగ్ చేయాలి. 

                                    ఇవి కీళ్ల చుట్టూ ఉండే కండరాలను బలోపేతం చేస్తాయి.

2. బరువు తగ్గడం: కేవలం 5 కిలోల బరువు తగ్గినా, మోకాళ్లపై పడే 20 కిలోల ఒత్తిడి తగ్గినట్లే!

3. కీళ్ల రక్షణ: మోకాలికి క్యాప్ (Knee Brace) వాడటం, అవసరమైతే వాకింగ్ స్టిక్ వాడండి. ఇది 

                        సపోర్ట్.

4. విశ్రాంతి ముఖ్యం: మధ్యలో చిన్న బ్రేక్స్ తీసుకోండి. ఒత్తిడి తగ్గించేందుకు ధ్యానం చేయండి.

ఆహారమే ఆరోగ్యం

మీ ఆహారం కీళ్లలోని వాపును (Inflammation) తగ్గించేలా ఉండాలి.

✅ ఏం తినాలంటే:

- ఒమేగా-3 ఫ్యాటీ యాసిడ్స్: చేపలు, వాల్‌నట్స్, అవిసె గింజలు, చియా సీడ్స్. ఇవి కీళ్లకు గ్రీజులా 

  పనిచేస్తాయి.

- విటమిన్ సి పండ్లు: నారింజ, బత్తాయి, బెర్రీలు, చెర్రీ పండ్లు వాపును తగ్గిస్తాయి.

- కాల్షియం బూస్టర్స్: తక్కువ కొవ్వు పాలు, పెరుగు, ఆకుకూరలు (పాలకూర, బ్రోకోలీ).

❌ ఏం తినకూడదు:

- ప్రాసెస్డ్ ఫుడ్స్: జంక్ ఫుడ్స్, డీప్ ఫ్రై పదార్థాలు.

- చక్కెర, స్వీట్లు: కూల్ డ్రింక్స్, మిఠాయిలు నొప్పులను పెంచుతాయి.

- రిఫైన్డ్ కార్బ్స్: మైదా బ్రెడ్, పేస్ట్రీలు, మితిమీరిన ఉప్పు, మద్యపానం.

వయసు పెరగడం సహజం. కీళ్ల నొప్పులు వచ్చాయని జీవితాన్ని గదికి పరిమితం చేయొద్దు. సరైన

ఆహారం, తగినంత వ్యాయామం, డాక్టర్ సలహాతో ఈ కీళ్లవాతాన్ని జయించి ఆనందంగా 

ముందడుగు వేయండి!

🌿 ఇలాంటి మరిన్ని విషయాల కోసం మా WHATSAPP గ్రూప్ లో జాయిన్ అవ్వండి 👇

👉 Join WhatsApp Group

---

 హార్ట్ బ్లాకేజ్

హార్ట్ బ్లాకేజ్ అంటే ఏమిటి? 

హార్ట్ బ్లాకేజ్‌ను వైద్య పరిభాషలో Coronary Artery Disease (CAD) అని పిలుస్తారు. ఇది గుండెకు

రక్తాన్ని సరఫరా చేసే కొరోనరీ ధమనులను ప్రభావితం చేసే వ్యాధి. గుండె కండరాలకు సరైన రక్త 

ప్రవాహం లేకపోవడం వల్ల గుండె పనితీరు దెబ్బతింటుంది. సాధారణంగా కొవ్వులు, కొలెస్ట్రాల్ 

మరియు ఇతర పదార్థాలు ధమనుల గోడలపై పేరుకుపోవడం వల్ల ఈ సమస్య ఏర్పడుతుంది. ఈ 

ప్రక్రియను Atherosclerosis అంటారు. ఈ ప్లాక్ పేరుకుపోవడం వల్ల ధమనులు సన్నగిల్లి, గుండెకు 

సరైన రక్తం అందకపోవడంతో లక్షణాలు కనిపిస్తాయి. పూర్తిగా బ్లాకేజ్ ఏర్పడితే హార్ట్ అటాక్‌కు 

దారితీస్తుంది.

🌍 ప్రపంచ స్థితి (WHO అంచనాలు)

ప్రపంచ ఆరోగ్య సంస్థ అంచనాల ప్రకారం గుండె సంబంధిత వ్యాధులు ప్రపంచవ్యాప్తంగా 

మరణాలకు ప్రధాన కారణంగా ఉన్నాయి. 2022లో సుమారు 19.8 మిలియన్ల మంది గుండె 

సంబంధిత వ్యాధుల వల్ల మరణించారు. ఇది మొత్తం మరణాల్లో సుమారు 32 శాతంగా ఉంది. 

వీటిలో 85 శాతం మరణాలు హార్ట్ అటాక్ మరియు స్ట్రోక్ కారణంగా సంభవించాయి.

ప్రారంభ దశ లక్షణాలు – జాగ్రత్తగా గమనించాలి

హార్ట్ బ్లాకేజ్ ప్రారంభ దశలో లక్షణాలు చాలా సున్నితంగా ఉంటాయి. ఇవి చాలా సార్లు ఒత్తిడి 

లేదా నిద్రలేమి వంటి సాధారణ సమస్యలతో కలిసిపోతాయి. అయితే ఈ లక్షణాలను 

ముందుగానే గుర్తిస్తే వ్యాధిని త్వరగా గుర్తించి తీవ్రమైన ప్రమాదాలను నివారించవచ్చు.

ఛాతిలో ఒత్తిడి లేదా అసౌకర్యం

ఛాతిలో స్వల్ప ఒత్తిడి లేదా పిండి పడినట్లుగా అనిపించడం ఈ వ్యాధి ప్రారంభ సంకేతాల్లో ఒకటి.

ఇది అత్యవసర పరిస్థితిలా అనిపించకపోయినా, అంగైనా అనే పరిస్థితిని సూచిస్తుంది. ఇది 

బ్లాకేజ్ వల్ల రక్త ప్రవాహం తగ్గినప్పుడు కలుగుతుంది. ఇది పదునైన నొప్పిలా కాకుండా అజీర్ణం 

లాగా అనిపించవచ్చు మరియు విశ్రాంతితో తగ్గుతుంది. అయితే ఇది తరచూ కనిపిస్తే వైద్య 

పరీక్షలు చేయించుకోవడం అవసరం. ముఖ్యంగా మహిళలు లేదా మధుమేహం ఉన్నవారిలో ఇది 

అలసట లేదా గుండెల్లో మంట రూపంలో కనిపించవచ్చు.

శ్వాస తీసుకోవడంలో ఇబ్బందులు

శ్వాస తీసుకోవడంలో ఇబ్బంది కూడా ఒక ముఖ్యమైన లక్షణం. మెట్లు ఎక్కిన తర్వాత లేదా 

మాట్లాడుతున్న సమయంలో శ్వాస తీసుకోవడం కష్టంగా అనిపిస్తే, గుండె సరైన రీతిలో ఆక్సిజన్ 

ఉన్న రక్తాన్ని పంపించలేకపోతుందని సూచిస్తుంది. ఇది అకస్మాత్తుగా లేదా క్రమంగా రావచ్చు. 

సాధారణ పనులు చేస్తున్నప్పుడే ఇది కనిపిస్తే జాగ్రత్త అవసరం.

నిరంతర అలసట

నిరంతర అలసట కూడా గుండె బ్లాకేజ్ సంకేతంగా ఉండవచ్చు. విశ్రాంతి తీసుకున్నా అలసట 

తగ్గకపోతే, గుండె శరీర అవసరాలను తీర్చలేకపోతుందని అర్థం. ఇది సాధారణ అలసటతో 

పోలిస్తే భిన్నంగా ఉంటుంది. ముఖ్యంగా మహిళల్లో ఈ లక్షణం ఇతర లక్షణాల కంటే ముందే 

కనిపిస్తుంది.

ఇతర భాగాలకు వ్యాపించే నొప్పి

శరీరంలోని ఇతర భాగాలకు వ్యాపించే నొప్పి కూడా ఒక ముఖ్యమైన సంకేతం. దవడ, భుజాలు 

లేదా వెన్నులో నొప్పి కనిపించడం గుండె నుంచి వచ్చే నాడీ సంకేతాల వల్ల జరుగుతుంది. కొన్ని 

సందర్భాల్లో ఈ నొప్పి మాత్రమే ఏకైక లక్షణంగా కనిపించే అవకాశం ఉంటుంది.

తల తిరగడం మరియు స్పృహ కోల్పోవడం

తల తిరగడం లేదా తల నిర్బంధంగా అనిపించడం కూడా గమనించాల్సిన లక్షణం. 

అకస్మాత్తుగా తల తిరగడం లేదా నిలబడినప్పుడు అస్థిరంగా అనిపించడం మెదడుకు సరైన రక్త 

ప్రవాహం లేకపోవడం వల్ల జరుగుతుంది. తీవ్రమైన పరిస్థితుల్లో స్పృహ కోల్పోవడం కూడా 

సంభవించవచ్చు. ఇది తక్షణ వైద్య చికిత్స అవసరాన్ని సూచిస్తుంది.

వికారం మరియు చెమటలు 

వికార భావం లేదా చెమటలు పడటం కూడా గుండె సమస్యలకు సంకేతం కావచ్చు. ఎటువంటి 

జ్వరం లేకపోయినా వాంతి భావం, అజీర్ణం లేదా చెమటలు రావడం గుండె ఒత్తిడిని సూచిస్తాయి. 

దీనిని సాధారణ జీర్ణాశయ సమస్యలతో పోల్చి పొరబడే అవకాశం ఉంటుంది.

గుండె వేగంగా కొట్టుకోవడం (Palpitations)

హార్ట్ పాల్పిటేషన్స్ అంటే గుండె వేగంగా కొట్టుకోవడం లేదా దడదడలాడడం. గుండె స్పందనలు 

అసమానంగా ఉండటం ఎలక్ట్రికల్ సంకేతాల్లో అంతరాయం వల్ల జరుగుతుంది. విశ్రాంతిలో లేదా 

తక్కువ శ్రమలో కూడా ఇది కనిపిస్తే జాగ్రత్త అవసరం. అలసటతోపాటు ఈ లక్షణం ఉంటే ECG 

వంటి పరీక్షలు అవసరం అవుతాయి.

---

🌿 ఇలాంటి మరిన్ని విషయాల కోసం మా WHATSAPP గ్రూప్ లో జాయిన్ అవ్వండి 👇

👉 Join WhatsApp Group

---

 కాలి మడమ నొప్పి (Heel Pain)

కాలి మడమ నొప్పి అనేది ప్రస్తుత కాలంలో చాలా మంది ఎదుర్కొంటున్న సాధారణ సమస్య.

మడమ నొప్పి అంటే ఏమిటి?

సాధారణంగా మనం నడిచేటప్పుడు లేదా నిలబడినప్పుడు శరీర బరువును మోసే మడమ

భాగంలో కలిగే అసౌకర్యాన్ని మడమ నొప్పి అంటారు. దీనిని వైద్య పరిభాషలో తరచుగా 'ప్లాంటర్ 

ఫాసిటిస్' (Plantar Fasciitis) అని పిలుస్తారు.

నొప్పి రావడానికి ప్రధాన కారణాలు

    1. ప్లాంటర్ ఫాసిటిస్: మడమ ఎముక నుండి కాలి వేళ్ల వరకు ఉండే బలమైన కండర పొర                    

       

         (Ligament) వాపునకు గురవ్వడం.

    2. మడమ ఎముక పెరగడం (Heel Spurs): మడమ ఎముక కింద అదనంగా ఎముక పెరగడం వల్ల         

        

        నడిచేటప్పుడు గుచ్చుకున్నట్లు అనిపిస్తుంది.

    3. అధిక బరువు: శరీర బరువు పెరిగినప్పుడు మడమలపై ఒత్తిడి పెరిగి నొప్పి వస్తుంది.

    4. తప్పుడు పాదరక్షలు: మరీ ఫ్లాట్‌గా ఉండేవి లేదా చాలా గట్టిగా ఉండే చెప్పులు ధరించడం.

    5. ఎక్కువ సేపు నిలబడటం: సిమెంట్ నేలపై లేదా గట్టి ఉపరితలాలపై ఎక్కువ సేపు నిలబడి 

        పని చేయడం.

    6. వయస్సు మరియు వ్యాయామం: వయస్సు పెరగడం వల్ల లేదా ఒక్కసారిగా కఠినమైన 

        వ్యాయామాలు ప్రారంభించడం వల్ల కూడా ఈ సమస్య రావచ్చు.

నివారణ మరియు పరిష్కార మార్గాలు

    1. ఇంటి వద్ద చేయవలసిన జాగ్రత్తలు (Home Remedies)

        ఐస్ థెరపీ: ఐస్ ప్యాక్ లేదా గడ్డకట్టిన వాటర్ బాటిల్‌పై పాదాన్ని ఉంచి 15 నిమిషాల పాటు

        అటు ఇటు దొర్లించడం వల్ల వాపు తగ్గుతుంది.

        గోరువెచ్చని నీటి కాపడం: రాత్రి పూట ఉప్పు కలిపిన గోరువెచ్చని నీటిలో పాదాలను                         

       

        ఉంచడం వల్ల కండరాల ఒత్తిడి తగ్గుతుంది.

       సరైన చెప్పులు: మడమ భాగంలో మెత్తని కుషన్ ఉన్న పాదరక్షలను ఎంచుకోండి. ఇంట్లో

       నడిచేటప్పుడు కూడా మెత్తని స్లిప్పర్స్ వాడటం ఉత్తమం.

2. ముఖ్యమైన వ్యాయామాలు (Exercises)

        టవల్ స్ట్రెచ్: ఉదయం నిద్రలేవగానే మంచంపై కూర్చుని, ఒక టవల్‌ను పాదం వేళ్లకు 

        తగిలించి మీ వైపు మెల్లగా లాగండి.

        వాల్ స్ట్రెచ్: గోడను ఆసరాగా తీసుకుని కాలి వెనుక కండరాలు (Calf muscles) సాగేలా స్ట్రెచ్ 

        చేయండి.

        బాల్ రోలింగ్: టెన్నిస్ బంతి లేదా చిన్న బంతిని పాదం కింద ఉంచి అటు ఇటు రోల్

        చేయండి.

3. ఆహార నియమాలు

        శరీరంలో కాల్షియం మరియు విటమిన్-D లోపం లేకుండా చూసుకోవాలి.

        శరీర బరువును అదుపులో ఉంచుకోవడం వల్ల మడమలపై భారం తగ్గుతుంది.

ముఖ్య గమనిక: ఉదయం నిద్రలేచి మొదటి అడుగు వేసినప్పుడు నొప్పి తీవ్రంగా ఉండి, 

        కొంచెం నడిచిన తర్వాత తగ్గుతుంటే అది 'ప్లాంటర్ ఫాసిటిస్' కి ప్రధాన లక్షణం. నొప్పి 

        దీర్ఘకాలంగా వేధిస్తుంటే నిపుణులైన వైద్యుడిని సంప్రదించాలి.

---

🌿 ఇలాంటి మరిన్ని విషయాల కోసం మా WHATSAPP గ్రూప్ లో జాయిన్ అవ్వండి 👇

👉 Join WhatsApp Group

---

 వేసవి 'అమృతం' తాటి ముంజలు

ప్రకృతి మనకిచ్చిన సహజమైన ఐస్ క్రీమ్!

ఎండలు మండిపోతున్నాయి. భానుడి ప్రతాపానికి శరీరం నీరసించిపోతోంది. ఇలాంటి

సమయంలో మన దాహాన్ని తీర్చి, శరీరానికి చలవనిచ్చే అద్భుతమైన పండు తాటి ముంజ.

'ఐస్ యాపిల్' గా పిలవబడే ఈ ముంజలు కేవలం రుచికరమైనవే కాదు, అంతకు మించి

అపారమైన ఆరోగ్య నిధులు.

ఎందుకు తినాలి? వీటిలో ఏముంది?

తాటి ముంజలలో దాదాపు 90% నీటి శాతం ఉంటుంది. ఇది వేసవిలో మన శరీరం కోల్పోయే

ద్రవాలను భర్తీ చేసి, డీహైడ్రేషన్ బారి నుండి రక్షిస్తుంది.

        సహజ ఎలక్ట్రోలైట్లు: వీటిలో ఉండే పొటాషియం, సోడియం, కాల్షియం మరియు ఫాస్పరస్

       శరీరంలోని లవణాల శాతాన్ని క్రమబద్ధీకరిస్తాయి.

       గ్లైసీమిక్ ఇండెక్స్ తక్కువ: చక్కెర వ్యాధి (Diabetes) ఉన్నవారు కూడా నిశ్చింతగా వీటిని

      తీసుకోవచ్చు. ఇది రక్తంలోని చక్కెర స్థాయిలను పెంచకుండా తక్షణ శక్తిని ఇస్తుంది.

       విటమిన్ల గని: ఇందులో విటమిన్ A, B-కాంప్లెక్స్ (ముఖ్యంగా B12) మరియు విటమిన్ C

       పుష్కలంగా ఉన్నాయి. ఇవి రోగనిరోధక శక్తిని పెంచడమే కాకుండా, రక్తహీనత (Anemia) 

       రాకుండా చూస్తాయి.

       అంతుచిక్కని ఆరోగ్య రహస్యాలు (శాస్త్రీయ కోణం):

            1. లివర్ సంరక్షణ: పరిశోధనల ప్రకారం, తాటి ముంజల్లో ఉండే పొటాషియం కాలేయం

                (Liver) లోని వ్యర్థాలను బయటకు పంపడంలో అద్భుతంగా పనిచేస్తుంది.

            2. జీర్ణశక్తికి ఊతం: ఎండల వల్ల కలిగే కడుపులో మంట, ఎసిడిటీ, మలబద్ధకం వంటి 

                సమస్యలకు ఇవి చక్కని పరిష్కారం. ఇవి సహజ సిద్ధమైన 'ప్రీబయోటిక్' గా పనిచేసి 

                జీర్ణవ్యవస్థను శుభ్రపరుస్తాయి.

            3. చర్మ సౌందర్యం: వేసవిలో వచ్చే చెమట కాయలు, దద్దుర్లు మరియు ఎండ వల్ల కలిగే 

                చర్మంపై మంటను తగ్గించడంలో ముంజల నీరు ఔషధంలా పనిచేస్తుంది.

    

            4. యాంటీ ఆక్సిడెంట్స్: వీటిలో ఉండే 'ఆంథోసైనిన్స్' వంటి ఫైటో-న్యూట్రియెంట్స్ కణాల 

                నాశనాన్ని అడ్డుకుని, వృద్ధాప్య ఛాయలు రాకుండా చేస్తాయి.

        మీకోసం ఒక చిన్న సూచన:

            తాటి ముంజల మీద ఉండే లేత గోధుమ రంగు పొరను తీయకుండా తింటేనే అందులోని 

            పూర్తి ఫైబర్ (పీచు పదార్థం) మనకు అందుతుంది. ముదిరిన ముంజల కంటే లేత 

    

            ముంజలను ఎంచుకోవడం వల్ల ఎక్కువ నీటి శాతం, పోషకాలు లభిస్తాయి.

            రంగులు మార్చి, ప్రిజర్వేటివ్స్ కలిపిన కూల్ డ్రింక్స్, ఐస్ క్రీమ్‌ల జోలికి వెళ్లేకంటే.. 

            రూపాయి ఖర్చుతో కొండంత ఆరోగ్యాన్ని ఇచ్చే ఈ 'వేసవి అమృతాన్ని' ఆస్వాదించండి.

---

🌿 ఇలాంటి మరిన్ని విషయాల కోసం మా WHATSAPP గ్రూప్ లో జాయిన్ అవ్వండి 👇

👉 Join WhatsApp Group

---